НАСАнын астронавттары Немрут кратер көлүн фотосүрөткө тартышты
НАСАнын расмий X баракчасынан бөлүшүлгөн фотосүрөт көптөгөн лайктарды топтоду.
2108367
Битлистин Татван районундагы Немрут кратер көлү Америка Кошмо Штаттарынын (АКШ) Улуттук Аэронавтика жана Космос Башкармалыгынын (НАСА) астронавттары тарабынан космостон фотосүрөткө тартылды.
Жыл сайын миңдеген туристти кабыл алган Түркиянын эң чоң кратер көлү Немрут Кратер көлүн НАСАнын астронавттары космостон фотосүрөткө тартып алышты.
НАСАнын расмий X баракчасынан жарыяланган жана «Кереметтүү кальдера. Түркиядагы Немрут тоосунун кар баскан кальдерасынын бул фотосүрөтүн @Space_Station астронавты тартты. Кальдеранын чыгыш жарымында өткөн жарылуулардан келип чыккан лава агымдары катып калган. Немрут көлүн азыктандырган ысык булактар батыш жарымына агууда» деген жазуу менен бөлүшүлгөн фотосүрөт көптөгөн лайктарды топтоду.
