Фидан: «БУУнун Коопсуздук Кеңеши бүткүл БУУ системасынын урматтуулугуна көлөкө түшүрүүдө»

Тышкы иштер министри Хакан Фидан Газа тилкеси баш болгон көптөгөн темада «кадам таштай албаган» Бириккен Уулуттар Уюмунун (БУУ) Коопсуздук Кеңешинин бүткүл БУУ системасынын «урматтуулугуна көлөкө түшүргөнүнө» көңүл буруп, дагы демократиялуу, жоопкерчиликтүү жана эл аралык укуктун параметрлерине негизделген система керек экендигин билдирди.

Дипломатиялык булактардан алынган маалыматка караганда, Фидан Бразилиянын Рио-де-Жанейро шаарында өткөрүлгөн Чоң жыйырмалыктын тышкы иштер министрлеринин жыйынында «Глобалдык башкаруу реформасы» сессиясынын катышуучуларына кайрылуу жасады.

Фидан көп уюлдуу жаңы дүйнөлүк түзүлүштө геосаясий тирешүүлөрдү жеңүү үчүн күчтүү көп тараптуу институттар жана эффективдүү глобалдык башкаруу механизмдери керек экенин баса белгиледи.

Керектүү өзгөрүүнү ишке ашыруунун маанилүү экенин белгилеген Фидан бул үчүн БУУнун Коопсуздук Кеңешинин реформасына артыкчылык берилиши керектигин белгиледи.

Фидан, Газа тилкеси баш болгон көптөгөн темада «кадам таштай албаган» Бириккен Уулуттар Уюмунун (БУУ) Коопсуздук Кеңешинин бүткүл БУУ системасынын «урматтуулугуна көлөкө түшүргөнүнө» көңүл буруп, дагы демократиялуу, жоопкерчиликтүү жана эл аралык укуктун параметрлерине негизделген система керек экендигин билдирди.

Мындан тышкары, Фидан эл аралык каржы системасы чындап камтыган, эрежеге негизделген, ачык-айкын жана туруктуу болушу керектигин белгиледи.

Өнүккөн жана өнүгүп келе жаткан өлкөлөрдүн ортосундагы ажырымды жоюу үчүн эл аралык каржы институттары менен көп тараптуу өнүгүү банктарынын өнүгүп келе жаткан жана азыраак өнүккөн өлкөлөргө ылайыктуу саясаттарды кабыл алышы керектигин баса белгилеген Фидан, антпесе Туруктуу өнүгүү максаттарынын ишке ашпай турганына басым жасап, бул контекстте Чоң жыйырмалыктын маанилүү ролу бар экенин белгиледи.