Эрдоган Адыямандагы аземде сөз сүйлөдү
Бүгүн 2 миң 798 үйдү тапшыргандарын белгилеген Эрдоган, курулуп жаткан 32 миң үйдү жыл аягына чейин акырындык менен тапшыра тургандарын, келерки жылы бардык ээлерине үй жана жумуш орундарын берүүнү максат кылгандарын айтты.
Президент Режеп Таййип Эрдоган, коргоо өнөр жайынын инвестицияларын жер титирөө болгон аймакка багыттагандарын айтты.
Адыяманда жер титирөөдөн кийин курулган турак жайлардын чүчүкулак тартуу жана ачкыч тапшыруу аземинде сөз сүйлөгөн президент Эрдоган, 2023-жылдын 6-февралындагы жер титирөөлөрдөн жабыркаган Адыяманда жүргүзүлгөн аныктоолордун натыйжасында 39 миңи турак жай жалпы 45 миң 305 бенефициардын такталганын түшүндүрдү.
Бүгүн 2 миң 798 үйдү тапшыргандарын белгилеген Эрдоган, курулуп жаткан 32 миң үйдү жыл аягына чейин акырындык менен тапшыра тургандарын, келерки жылы бардык ээлерине үй жана жумуш орундарын берүүнү максат кылгандарын айтты.
Турак жайларды жана жумуш орундарын куруп, шаарлардын көчөлөрүн жана аянттарын кайра иретке келтирип эле тим болбостон, негизги инфраструктураны жана ири инвестицияларды да ишке ашыргандарын билдирген президент: «Ушул алкакта өлкөбүздүн эң ылдам өскөн сектору коргоо өнөр жайыбыздын инвестицияларын жер титирөө болгон шаарларыбызга багыттоо максатында отурукташуу жана жумуш менен камсыз кылуу долбоорун баштадык. Адыяманда коргоо өнөр жайы ишканаларыбыздын өнөктөштүгү жана TUSAŞтын (Түрк учак өнөр жай акционердик коому) координациясында лаборатория, тест инфраструктурасы, кабел, туташтыргыч, кабелдик өндүрүштүк жайды куруп жатабыз. Курулуп жаткан бул объект жыл аягына чейин ишке кирет»,- деди.
