Гезеравжынын космостук сапары аяктайын деп калды

Тарыхый космостук саякат аяктайын деп калды.

Axiom Space компаниясынын социалдык медиа постунда, биринчи түрк астронавты Алпер Гезеравжынын Түркия убактысы боюнча саат 17.50дө Эл аралык космос станциясынан кете турганы жарыяланды.

Алпер Гезеравжы станцияда калган болжол менен эки жумалык мезгилде 13 түрдүү сыноону ишке ашырды.

Гезеравжы тобу менен бирге Dragon капсуласы аркылуу Жерге кайтып келет.

Капсуланын АКШнын түштүк-чыгышындагы Флорида штатында жайгашкан Орландо жээктеринде океанга түшөрү күтүлүүдө.