Вице-президент Жевдет Йылмаз Угандага барат
Йылмаз сапарынын алкагында Түркиянын Кампаладагы элчилигинде түрк коомчулугунун өкүлдөрү менен жолугушат.
Вице-президент Жевдет Йылмаз Кошулбоо кыймылынын мамлекет жана өкмөт башчыларынын 19-саммитине катышуу үчүн бүгүн Угандага барат.
Йылмаз сапарынын алкагында Түркиянын Кампаладагы элчилигинде түрк коомчулугунун өкүлдөрү менен жолугушат.
Кампалада уюштурулган жана эки күнгө созула турган саммиттин ачылыш аземине Түркиянын атынан вице-президент Йылмаз катышат. Йылмаз бул жерде атайын конок катары мамлекет жана өкмөт башчыларына кайрылып, Уганданын президенти Йовери Мусевени жана саммитке катышкан кээ бир лидерлер менен эки тараптуу жолугушууларды өткөрөт.
Саммитте Палестинадагы адамзаттык трагедия, Африканын артыкчылыктары, Орусия-Украина согушу, климаттын өзгөрүшү, дүйнөлүк экономикалык системанын көйгөйлөрү менен башка глобалдык жана аймактык маселелер каралат.
Саммитте Уганда Кошулбоо кыймылынын төрагалыгын 2019-жылдан бери жүргүзүп келе жаткан Азербайжандан өткөрүп алат.
