ТМУ менен ТИКАнын ортосунда өз ара түшүнүшүү жөнүндө меморандум түзүлдү

Түрк Мамлекеттер Уюмунун (TМУ) катчылыгы менен Түрк Кызматташтык жана Координация Агенттигинин (ТИКА) ортосунда «Кызматташтык боюнча өз ара түшүнүшүү меморандумуна» кол коюлду.

ТМУнун Стамбулдагы катчылык имаратында өткөрүлгөн аземде эки мекеменин ортосунда жетишилген кызматташтыкка байланыштуу келишимге ТМУнун баш катчысы, элчи Кубанычбек Өмүралиев менен ТИКАнын төрагасы Серкан Каялар кол коюшту.

Салтанатта сөз сүйлөгөн Өмүралиев меморандум кызматташтыкты өнүктүрүүгө, маалымат алмашууга жана тажрыйба алмашууга багытталган стратегиялык өнөктөштүктүн башталышы экенин билдирди.

Өз ара түшүнүшүү меморандумунун максаты кызматташтыкты бекемдөө, аймактык өнүгүү өнөктөштүктөрүн өнүктүрүү жана мүчө мамлекеттер дуушар болгон көйгөйлөргө бирдиктүү чечимдерди иштеп чыгуу экенин билдирген Өмүралиев: «Бул кызматташуу аркылуу биз Туруктуу өнүгүү максаттарына салым кошууну менен катар эл аралык макулдашылган өнүгүү максаттарына жана аймактын социалдык-экономикалык ландшафтына оң таасирин тийгизе турган синергетиканы түзүүнү максат кылабыз»,-деди.

Өмүралиев өз ара түшүнүшүү меморандумунун саламаттыкты сактоодон билим берүүгө, соодадан айлана-чөйрөгө чейин кызматташтыктын көптөгөн тармактарында өнүгүүнүн ар түрдүү аспектилерин чечүүгө чечкиндүүлүктү чагылдырып, ар тараптуу жана кызматташтык рухун камтыганын билдирди.

Каялар да Түрк Мамлекеттер Уюмунун (ТМУ) түрк дүйнөсү үчүн чоң мааниге ээ экенин белгилеп: «ТИКА катары бардык өлкөлөрдө, мүчө өлкөлөрдө да, байкоочу өлкөлөрдө да кеңселерибиз бар. Кеңселерибиз аркылуу талаадабыз жана ошол эле учурда бүгүн бул түшүнүшүү меморандуму менен биргелешкен долбоорлорго карай маанилүү кадам таштадык. Бул ТМУга мүчө өлкөлөрүндө өнүгүүнүн бардык тармактарында кызматташтыкты өнүктүрүү боюнча биргелешкен долбоорлорго карай маанилүү кадам таштадык».

Каялар кызматташтыкты тереңдетүү жана диверсификациялоо үчүн аракеттерин уланта турганын айтты.