Эрдоган бүгүн Венгрияга барат

Президент Режеп Таййип Эрдоган бүгүн Венгрияга барат.

Эрдогандын Венгрияга сапары 1-дүйнөлүк согуштан кийин үзгүлтүккө учураган дипломатиялык карым-катнаштарды калыбына келтирүү максатында эки өлкөнүн ортосунда түзүлгөн достук келишиминин 100 жылдыгына туш келди.

Сапардын жүрүшүндө эки тараптуу саясий, дипломатиялык жана экономикалык мамилелерге баа берилиши күтүлүүдө.

Эрдоган Венгриянын президенти Каталин Новак жана премьер-министр Виктор Орбан менен жолугушат.

Сүйлөшүүлөрдө Түркиянын Европа Биримдиги (ЕБ) менен карым-катнаштарынан Газадагы акыркы абалга чейин күн тартиби менен бирге Түркия-Венгрия экономикалык жана саясий карым-катнаштарынын каралышы пландалууда. Бул алкакта Жогорку деңгээлдеги стратегиялык кеңештин жыйыны да өткөрүлөт.

Экономика, соода, коргонуу өнөр жайы, энергетика жана маданият багыттары каралган сапарда эки өлкөнүн ортосунда 16 документке кол коюлушу күтүлүүдө.