Түркия Косоводогу электр талашын чечти
Түркиянын алдыңкы холдингтеринин бири болгон Лимак жана Чалык менен кызматташкан Косово электр бөлүштүрүү компаниясы (KEDS) менен сербиялык Электросевердин ортосунда кечээ келишимге кол коюлду.
Косовонун түндүгүндөгү сербдер үстөмдүк кылган муниципалитеттерде 1999-жылы аяктаган согуштан бери уланып жаткан электр энергиясын бөлүштүрүү талашы Түркиянын катуу аракети менен чечилди.
Түркиянын алдыңкы холдингтеринин бири болгон Лимак жана Чалык менен кызматташкан Косово электр бөлүштүрүү компаниясы (KEDS) менен сербиялык Электросевердин ортосунда кечээ кол коюлган келишим, Сербдер басымдуу болгон муниципалитеттерде көп жылдардан бери уланып келе жаткан электр энергиясын бөлүштүрүү маселесин чечүү менен катар Косово менен Сербиянын ортосундагы нормалдашуу процессиндеги маанилүү тоскоолдукту жеңүүгө да салым кошот.
Европа Биримдигинин (ЕБ) Белград-Приштина диалогу боюнча атайын өкүлү Мирослав Лайчак билдирүүсүндө KEDS менен Электросевердин ортосунда кол коюлган келишимди кубаттай турганын айтып, мунун Косово менен Сербиянын ортосундагы карым-катнаштарды нормалдаштыруу алкагында энергетикалык жол картасын ишке ашырууда маанилүү кадам болгонун баса белгилеп, салым кошкон ар бир адамга ыраазычылык билдирди.
KEDSтин билдирүүсүндө, Косовонун түндүгүндөгү Түндүк Митровица, Звечан, Лепосавич жана Зубин Поток муниципалитеттеринде электр энергиясын бөлүштүрүүнү нормалдаштырууну көздөгөн келишимге, узакка созулган жана кылдат процесстен кийин кол коюудан кубанычта экендиктери билдирилип, салым кошкон тараптар да куттукталды.
Косоводо согуш аяктаган 1999-жылдын июнь айынан бери түндүктөгү сербдер үстөмдүк кылган муниципалитеттерде электр энергиясына төлөмдөр төлөнбөй калган жана бул чыгымды Косово өкмөтү жаап келген.
