Хакан Фидан Канадада...

Тышкы иштер министри Хакан Фидан Израилдин Газага кол салууларын токтотуу жана туруктуу тынчтыкты камсыз кылуунун алкагында, Ислам Кызматташтык Уюму (ИКУ) жана Араб Лигасынын байланыш тобу менен бирге Канадада жолугушууларды өткөрдү.

Хакан Фидан ИКУ жана Араб Лигасынын байланыш тобунун ишинин алкагында Канаданын Оттава шаарына барды.

Хакан Фидан да арасында болгон ИКУ жана Араб лигасынын атынан эл аралык демилгелерди көтөргөн Байланыш тобуна мүчө тышкы иштер министрлери Оттавада Канаданын премьер-министри Жастин Трюдо жана Канаданын тышкы иштер министри Мелани Жоли менен жолугушту.

Хакан Фидан Канада сапарынын алдында Америка Кошмо Штаттарынын (АКШ) борбор шаары Вашингтондо да жолугушууларды өткөрдү.

Министр Фидан, Байланыш тобунун АКШ менен болгон жолугушууларында Газадагы трагедияны ачык билдиргенин жана бул маселе боюнча дүйнөлүк коомдук пикирдин козголоңунун өкүлү болгонун белгиледи.

Хамастын куралдуу канаты Иззеддин ал-Кассам бригадалары Израилдин «палестиналыктарга жана алардын ыйык баалуулуктарына, өзгөчө Месчит-и Аксага каршы тынымсыз бузууларына» жооп катары 7-октябрдын таңында «Акса топону» деп аталган кеңири чабуулду баштаган. Израиль армиясы да Газа тилкесин абадан катуу бомбалоону баштаган.

Израилдин Газага 7-октябрдан бери кол салууларынан каза болгон палестиналыктардын саны 17 миң 700гө жетти.