НАТОнун Түркияга терроризм менен күрөшүүдө биримдик билдирүүсү
Столтенберг 28-29-ноябрда Бельгиянын борбор шаары Брюсселдеги НАТОнун штаб-квартирасында өткөрүлө турган НАТОнун тышкы иштер министрлеринин жыйынынын алдында журналисттерге брифинг берди.
НАТОнун баш катчысы Йенс Столтенберг ПКК сыяктуу террордук уюмдардан коргонуу үчүн Түркия менен биргелешип иштеши керектигин айтып: «НАТО муну азыр жасап жатат»,-деди.
Столтенберг 28-29-ноябрда Бельгиянын борбор шаары Брюсселдеги НАТОнун штаб-квартирасында өткөрүлө турган НАТОнун тышкы иштер министрлеринин жыйынынын алдында журналисттерге брифинг берди.
НАТОнун баш катчысы Столтенберг ашкере оңчул Швеция Демократиялык партиясынын (SD) лидери Жимми Акессондун өлкөдө жаңы мечиттердин курулушуна уруксат бербөө жана учурдагы мечиттерди бузуу талабы тууралуу суроого жооп берип жатып: «Мен ички саясий талаш-тартыштарга кийлигишпейм, бирок мен дин жана сөз эркиндигине ишенем»,-деп айтты.
Дин жана сөз эркиндигинин да НАТОнун негизги баалуулуктары экенин белгилеген Столтенберг: «Эркиндик жана демократия - бул альянстын бүткүл аймагында корголушу керек болгон негизги укуктар. Швециянын НАТОго мүчө болушу үчүн маанилүү нерсе - Швециянын өкмөтү өз убадасын аткарды. Мадридде, андан кийин Вильнюста өткөн саммиттерде Швеция терроризмге каршы күрөштү күчөтөрүн, Түркия менен кызматташтыкты арттырып, курал экспортуна коюлган чектөөлөрдү алып салууну убада кылган жана аны да аткарды. Эми Түркиянын мүчөлүк процессин аяктоо мезгили келди. Президент Режеп Таййип Эрдогандын Түркия Улуу Улуттук Жыйынына керектүү документтерди жөнөтүшү жакшы окуя. Түркия Улуу Улуттук Жыйынынын бул документти талкуулай баштаганы оң. Бул процессти мүмкүн болушунча тез бүтүрүшөт деп үмүттөнөм»,-деди.
Түркиянын мыйзамдуу коопсуздук тынчсыздануусу бар экенин эске салган Столтенберг: «НАТОнун бир дагы өнөктөшү Түркиядай террордук чабуулдарга дуушар болгон эмес. Алар аларга кол салган террордук топторго тынчсызданышууда. Биз Түркия менен биргеликте террордук топтордон коргонуу үчүн аракет кылышыбыз керек. Учурда НАТО бул иш менен алектенип жатат. Мен атайын координатор дайындадым. Терроризмге каршы аракеттерибиздин алкагында.Террор менен күрөшүү боюнча көрсөтмөлөрүбүздү жаңылоо процессиндебиз.Булар Түркия үчүн да, бүткүл альянс үчүн да маанилүү.Швеция да чалгындоо маалыматтарын алмашууну көбөйттү. Коопсуздук күчтөрү түрк коопсуздук күчтөрү менен тыгыз кызматташып жатат. ПККны бир гана Түркия эмес, Швеция жана НАТОдогу өнөктөштөрү да террордук уюм деп эсептешет. ПКК Швециядагы уюшкан кылмыштуулук менен да байланышта»,-деди.
Столтенберг Швециянын НАТОго мүчөлүгүнүн Түркия жана Венгрия тарабынан кыска убакытта бекитилишин күткөндөрүн белгиледи.
