Эрдоган Өзбекстандан кайтып келе жатканда учакта билдирүү жасады

Президент Режеп Таййип Эрдоган, Израилдин Газадагы кыргынына колдоо көрсөтүүсүнүн АКШны реакциялардын бутасына айлантканын белгиледи.

Эрдоган Экономикалык Кызматташтык Уюмунун 16 - Лидерлер саммити өткөрүлгөн Өзбекстандан кайтып келе жатканда учакта журналисттерге билдирүү жасады.

АКШнын мамлекеттик катчысы Энтони Блинкендин Анкарага сапары учурунда жылуу кабыл алынбаганына токтолгон Эрдоган, Түркиянын Тышкы иштер министрлигинин дипломатиянын жана протокол эрежелеринин талаптарын абдан жакшы билгенин жана ишке ашырганын айтты.

«Бүткүл дүйнөдө АКШга каршылык көрсөтүлүүдө, эмне үчүн? Анткени Израилдин Газадагы кыргынына колдоо көрсөтүү АКШны реакциялардын бутасына айлантты» деген Эрдоган: «АКШнын мамлекеттик катчысы Блинкендин эң чоң катасы башында болду. Израилге барганда: «Мен бул жерге АКШнын мамлекеттик катчысы болуу менен бирге еврей катары да келдим» десең мунун да бир жообу болот. Мунун жообу эмне? Буга жооп катары Стамбул Йеникапыга күтүүсүздөн 1,5 миллион киши чогулду. Түркиянын ар кайсы аймактарында көптөгөн ушундай коомчулуктун чогулуусу. Англия, Франция жана АКШда Ак үйдүн алдына он миңдеген адамдар чогулду. Булар бир белгинин жалыны», деп айтты.

Дипломатиянын бардык мүмкүнчүлүктөрүн колдонуп, элге багытталган мамилелердин аянтта жооп алышы үчүн аракет кылып жаткандарын баса белгилеген Эрдоган: «Адам укуктары жана эл аралык укук бул ыплас согушту мүмкүн болушунча тезирээк токтотууну буйруйт. Эч ким эл аралык укуктун сыртында турбашы керек жана ар бир адам мындай бейбаштыкка каршы турушу зарыл. Тилекке каршы Израиль, мен айткан бейбаштыктын чордонунда. Израиль маселеси чечилмейинче, биздин аймакта жана дүйнөдө толук тынчтык жана толук эл аралык укуктук тартип болушу мүмкүн эмес», - деди.

Эрдоган учурда Израиль элинин 60-70 пайызы премьер-министр Биньямин Нетаньяхуга каршы экенин билдирди.

ХАМАСтын жарандарды барымтада кармоого кызыкдар эмес экенин айткан Эрдоган: «Тескерисинче Израилдин колундагы палестиналыктардын бошотулушу керек. Эми Түркия катары бул жерге кийлигише турган болсок, Израилдин кылышы керек болгон нерсе палестиналыктарды тез арада бошотуусу, экинчи жагынан да Хамастын колундагы израилдиктерди дароо бошотуу»,-деди.