Эрдоган Стамбулдун душман баскынчылыгынан бошотулушунун 100 жылдыгына карата куттуктоо жолдоду

Президент Режеп Таййип Эрдоган, Боштондук күрөшүнүн, мекенди өз өмүрүнөн жогору койгон бардык шейиттердин жана ардагерлердин болуп көрбөгөндөй курмандыктарынын, сүйүктүү улуттун көз карандысыздыгын коргоого чечкиндүүлүгүнүн негизинде жеңиш менен аяктаганын белгиледи.

Президент Эрдоган Стамбул губернаторлугу тарабынан шаардын душман баскынчылыгынан бошотулушунун 100 жылдыгынан улам Таксим Республика эстелигинде өткөрүлгөн аземге жазуу түрүндө куттуктоо жөнөттү.

Эрдоган Стамбулдун душман баскынчылыгынан бошотулушунун жылдыгына байланыштуу жарандарды куттуктап: «Боштондук күрөшү, мекенди өз өмүрүнөн жогору койгон бардык шейиттерибиздин жана ардагерлерибиздин болуп көрбөгөндөй курмандыктарынын, сүйүктүү улутубуздун көз карандысыздыгын коргоого чечкиндүүлүгүнөн улам жеңиш менен аяктады. Ушундай куттуу түшүнүк менен биз байыркы цивилизациябыздын мурастарынын негизинде түптөлгөн республикабызды жетишкендиктери менен бирге коргоо жана сактоо, азыркы цивилизациялардын деңгээлинен өйдө көтөрүү, жаңы ийгиликтер менен дагы да чыңдоо аркылуу келечекке алып баруу үчүн зор чечкиндүүлүк менен аракет кылып жатабыз. Ушул ишеним менен Боштондук күрөшүбүздүн бардык баатырларын урматтоо жана таазим кылып эскеремин. Дагы бир жолу Стамбулдун бул сыймыктуу күнү менен куттуктап, бардык жарандарыбызга чын жүрөктөн чыккан сезимдерим менен салам жолдоймун», - деди.