Кристерссон: «Түркия менен эки тараптуу коопсуздук диалогун түзөбүз»

Швециянын премьер-министри Ульф Кристерссон: «Бул Швеция үчүн жакшы күн. Кызматташтык форматында (Түркия менен) жаңы эки тараптуу коопсуздук диалогун түзөбүз»,-деди.

Кристерссон Литванын борбор шаары Вильнюстагы НАТО саммитинен мурда президент Режеп Таййип Эрдоган жана НАТОнун баш катчысы Йенс Столтенберг менен болгон кечээки жолугушуусунан кийин өлкөсүнүн НАТОго мүчөлүк арызы тууралуу баа берди.

Кристерссон, Түркиянын Швециянын НАТОго кошулуу протоколун Түркия Улуу Улуттук Жыйынына (TBMM) жиберүү чечимине байланыштуу: «Бул Швеция үчүн жакшы күн. Кызматташтык форматында (Түркия менен) жаңы эки тараптуу коопсуздук диалогун түзөбүз»,-деп өз баасын берди.

Швециянын НАТОго мүчөлүгүнүн бекитилишине карай абдан чоң кадам ташталганын белгилеген Кристерссон, өткөн жылы Мадрид саммитинде Түркияга карата алган милдеттенмелерин аткарууну уланта тургандарын баса белгилеп: «Бул Швециянын узак мөөнөттүү милдеттенмеси. Бул НАТОго мүчө болуу үчүн жасаган ишибиз эмес»,-деди.

Жолугушууда Түркия-Европа Биримдиги (ЕБ) карым-катнаштарынын да сүйлөшүлгөнүн айткан Кристерссон: «Швеция катары Түркиянын Евробиримдик процессин колдойбуз. Ошондой эле модернизацияланган Бажы биримдигин жана визаны либералдаштырууну колдоону улантабыз»,-деди.

Кристерссон Швецияда Куран өрттөлгөн провокацияларга да токтолуп: «Бул провокациялар Швециянын НАТОго кирүүсүнө жол бербөө үчүн жасалды. Алар Түркия менен мусулмандарды кемсинтүү үчүн дагы жасалды. Менимче, муну жасагандар акылына келип, кооптуу дүйнөдө жашап жатканыбызды көрүшү керек»,-деди.

Башка жагынан алганда, Кристерссон мамлекеттик SVT телеканалына берген маалыматында: «Швециянын өкмөтү, өзгөчө катуу иштеген терроризмге каршы күрөш баш болгон Түркиянын каалоолоруна кам көрүп, аларды аткарууга эрк көрсөттү. Бул боюнча көптөн бери жасаган иштерибиз өз жемишин бере баштады. Түркиянын айтканыбызга жана кылганыбызга ынанышы жана ишенимдүү болушу маанилүү»,-деди.