"Леди Моура" аттуу яхта Антальяда

Мексикалык ишкер Рикардо Салинас Плиего "Леди Моура" аттуу люкс яхтасы менен Антальяга эс алууга келди.

Дүйнөнүн эң кымбат яхталарынын бири катары сыпатталган «Леди Моура» Белек туризм борборунда жээкте якорь таштады.

Яхтасында жашаган Плиего жеке тик учагы менен гольф аянтчасына барып оюн ойноду.

Америка Кошмо Штаттарынын  мурдагы президенттеринен Жорж Буш жана жубайы Барбара Буш сыяктуу көптөгөн атактуу ысымдарды кабыл алган яхта 80 кишилик экипажы, ооруканасы, палубасындагы кумдуу пляжы жана болжол менен 20 метрлик ашкана үстөлү менен көңүлдөрдү бурууда.