Фидан: «Түркиянын позициясы ар дайымкыдай принципиалдуу жана чечкиндүү уланат»
Англиянын кожоюндугунда борбор шаар Лондондо өткөрүлгөн «2023-жылы Украинаны жакшыртуу конференциясына» катышкан Фидан улуттук билдирүү жасады.
Тышкы иштер министри Хакан Фидан Түркиянын татар түрктөрүнүн байыркы мекени Крым менен катар Украинанын көз карандысыздыгын, эгемендигин жана жеринин бүтүндүгүн камсыз кылууда чечкиндүү экенин билдирди.
Англиянын кожоюндугунда борбор шаар Лондондо өткөрүлгөн «2023-жылы Украинаны жакшыртуу конференциясына» катышкан Фидан улуттук билдирүү жасады.
Түркиянын позициясынын ар дайымкыдай принципиалдуу жана чечкиндүү болушун улантып жатканын белгилеген Фидан, согуштун кыйраткыч экономикалык кесепеттери менен күрөшүп жаткан Украинаны колдой тургандарын баса белгиледи.
Фидан: «Түркия Украинанын, анын ичинде татар түрктөрүнүн байыркы мекени болгон Крымдын көз карандысыздыгын, эгемендигин жана аймактык бүтүндүгүн камсыз кылууга чечкиндүү»,- деди.
Министр Фидан сөзүн улантып: «Президент (Режеп Таййип) Эрдоган Украинадагы согуштан улам келип чыккан азап-тозокторду жеңилдетүү үчүн тынымсыз иштеп жатат. Дан келишиминен тартып согуш туткундарын алмашууга чейин... Эми биз Украинаны туруктуу кайра куруу жана калыбына келтирүү үчүн салым кошо турган каржылык базаны иштеп чыгуунун үстүндө иштешибиз керек»,-деп айтты.
Фидан Түркиянын Украинанын кайра курулушунда алдыңкы ролду ойногон өлкөлөрдүн бири экенин белгилеп: «Согуш башталгандан бери түрк подрядчылары Украинада 3,2 миллиард долларлык 50 долбоорго катышты»,-деди.
Президент Эрдоган менен Украинанын президенти Владимир Зеленскийдин ортосунда 2022-жылдын 18-августунда реконструкциялоо боюнча кызматташуу боюнча өз ара түшүнүшүү меморандумуна кол коюлганын эске салган Фидан: «Түркия Украинанын бутуна турушу үчүн бардык билимин жана тажрыйбасын бул маселелерге жумшай турганын убада кылууда»,- деди.
Ошол эле учурда министр Фидан конференциянын алкагында көптөгөн кесиптештери менен жолугушту.
Фидан конференциянын алкагында Даниянын тышкы иштер министри Ларс Лөкке Расмуссен, Италиянын вице-премьер-министри жана тышкы иштер министри Антонио Таяни, Германиянын тышкы иштер министри Аннален Баербок жана Австриянын тышкы иштер министри Александр Шалленберг менен жолугушту.
Министр Фидан айрыкча Франциянын тышкы иштер министри Кэтрин Колонна, АКШнын мамлекеттик катчысы Энтони Блинкен, Британиянын тышкы иштер министри Жеймс Клеверли, Канаданын эл аралык өнүгүү министри Харжит Сажжан, Хорватиянын тышкы жана Европа иштери министри Гордан Грлич Радман жана Украинанын тышкы иштер министри Дмитрий Кулеба менен да жолугушту.
