Чавушоглу: «Сириялыктар коопсуз жана адамгерчиликтүү түрдө өлкөлөрүнө жөнөтүлүшү керек»

Тышкы иштер министри Мевлүт Чавушоглу сириялыктардын коопсуз жана адамгерчиликтүү түрдө өлкөлөрүнө жөнөтүлүшү керектигин, Түркиянын да ошондой кылганын айтты.

Чавушоглу Антальянын Кепез районунун жарандарына кайрылды.

Түркиянын бүгүнкү күндө кеңири географияга жайылган глобалдык актер экенин белгилеген Чавушоглу, өлкөнүн согуштар жана кагылышуулар болуп жаткан аймакта президент Режеп Таййип Эрдогандын жетекчилигинде жолун ырааттуу улантып жатканын айтты.

«Дүйнө 5тен чоң» деп атып жаңы тартипти орнотуунун үстүндө иштеп жатабыз»,-деп айткан Чавушоглу: «Анткени бул тартип жетишсиз болгондуктан дүйнөнүн үмүттөрүнө жана көйгөйлөрүн чара боло албайт, көйгөйлөрдү чече албайт, кризистерди жеңе албайт, адамзаттын күтүүлөрүн актай албайт»,-деди.

Даңазалуу түрк желегин дүйнөнүн төрт тарабында желбиретишкендерин баса белгилеген Чавушоглу:« Дүйнөдө терроризмди тизгиндеп жаткан да Түркия, согуштарда жана кагылышууларда тынчтык үчүн ортомчу болгон да Түркия. Улуу Түрк дүйнөсүн Түрк Мамлекеттери Уюмунун чатыры астында бириктирген да Түркия. Дүйнөнүн кайсы жеринде болсо да өз тектештерин коргогон да Түркия»,-деп айтты.

Түркиянын дүйнөдө тынчтык жана бейпилдик үчүн ортомчулук үлгүсүн көрсөткөнүн белгилеген Чавушоглу, Орусия, Иран, Сирия жана Түркиянын тышкы иштер министрлеринин Орусиянын борбор шаары Москвада чогулуп, Сириядагы көйгөйдү жеңүү, сириялыктарды коопсуз аймактарга кайтаруу үчүн күрөшкөндөрүн эске салды.

Сириядагы террордун тазаланышы керектигин жана Түркиядагы сириялыктардын аман-эсен өлкөлөрүнө кайтуулары керектигин белгилеген тышкы иштер министри:«Ооба, (сириялыктарды) жиберели, бирок гумандуу жол менен. Түрккө жарашкыдай кылып жөнөтөлү»,-деп айтты.