Эрдоган: «Стамбулдун темир жол желеси 324 жарым километрге жетти»

Президент Режеп Таййип Эрдоган Стамбулдун темир жол желесинин 324 жарым километрге жеткенин айтты.

Президент Эрдоган Стамбулда Башакшехир-Чам жана Сакура оорукана шаарчасы - Каяшехир метро линиясын ачты.

Эрдоган ачылыш аземинде сүйлөгөн сөзүндө 6,2 километр узундуктагы метро линиясы менен шаардын борбору менен Чам жана Сакура оорукана шаарчасынын ортосундагы транспорттун ылдам, үнөмдүү жана коопсуз болоорун айтты.

Стамбулдун темир жол желесинин 324 жарым километрге жеткенин белгилеген Эрдоган, уланып жаткан долбоорлор аяктаганда бул көрсөткүчтүн 380 километрден ашарын билдирди.