Акардын Грецияны эскертүүсү...

Улуттук коргоо министри Хулуси Акар Грециянын акылга сыйбас, логикага жатпаган жана мыйзамсыз талаптар жана дооматтар, чагымчыл аракеттер жана агрессивдүү сөздөр менен чыңалууну күчөтүүнү улантып жатканын белгилеп: «Биз эч качан болоору болду деген нерсеге жол беришибиз мүмкүн эмес. Гректердин келечеги жакшы болушун каалагандар кечээки жана бүгүнкү каталарынан бурулушу керек», - деди.

Хулуси Акардын жетекчилигинде Түрк куралдуу күчтөрүнүн (ТКК) командирлик эшолону жана бөлүк командирлеринин катышуусунда видеоконференция жыйыны өткөрүлдү.

Түрк куралдуу күчтөрү чек ара коопсуздугун камсыздап, террорду булагында жок кылуу стратегиясы менен өлкөнүн ичинде жана чек аранын тышында бардык террордук уюмдар менен күрөшүп жатканын айткан Акар:«Деңиздерибизде жана асмандарыбызда укуктарыбызды жана кызыкчылыктарыбызды чечкиндүүлүк жана берилгендик менен коргоп, аймактык жана дүйнө тынчтыгына салым кошуу үчүн чоң аракеттерди жасайбыз»,-деди.

Акар Эгей жана Чыгыш Жер Ортолук деңизиндеги акыркы абалдар жөнүндө сөз кылып:«Греция акылга сыйбаган, логикага жатпаган жана мыйзамсыз талаптар жана дооматтар, тынымсыз чагымчыл аракеттер жана агрессивдүү риторика менен чыңалууну күчөтүү үчүн бардык аракеттерди жасап жатат», - деп айтты.

Грециянын ар кандай адилетсиз жана мыйзамсыз иш-аракеттерине өз ара мамиленин алкагында дипломатиялык жана талаада керектүү жооп берилгенин белгилеген Акар: «Биздин кандайдыр бир ишке ашууга жол беришибиз эч качан мүмкүн эмес. Биздин күтүүбүз - Грециянын кээ бир саясатчылары жана аскерий ишмерлери ички саясий максаттар үчүн өздөрүнүн келишпес жана чагымчыл мамилесинен дароо баш тартып, маселелерди диалог аркылуу чечүүгө көңүл бурушу жана тарыхтан сабак алуусу. Гректердин эртең жакшыраак болушун каалашса, кечээки жана бүгүнкү каталардан бурулушу керек»,-деди.