Коммуникация башкармалыгы Брюсселде «Адилеттүү дүйнө мүмкүн» аттуу панель уюштурду
Бириккен Улуттар Уюмунун (БУУ) түзүмүндөгү кемчиликтер жана аларды жоюу үчүн зарыл реформалар талкууланды.
Президенттиктин Коммуникация башкармалыгы Бельгиянын борбор шаары Брюсселде Европарламентте (ЕП) «Адилеттүү дүйнө мүмкүн» аттуу панелди уюштурду.
Бириккен Улуттар Уюмунун (БУУ) түзүмүндөгү кемчиликтер жана аларды жоюу үчүн зарыл реформалар талкууланган панелде Европанын ар кайсы өлкөлөрүнөн келген эксперттер дагы принципиалдуу, кеңири, стратегиялык жана колдонууга жарамдуу модель үчүн өз көз караштарын көрсөтүштү.
Европа Биримдигинин (ЕБ) коммуникациялар жана коомчулук менен байланыштар боюнча консультанты Жоанна Магдаленанын жетекчилигинде эксперттер учурдагы түзүмдүн жаңы коркунучтарга адекваттуу чечимдерди чыгара албастыгын талкуулап, президент Режеп Таййип Эрдоган китебинде «Адилеттүү дүйнө мүмкүн» деп белгилеген идеялар боюнча пикир алмашышты.
TRT World тышкы саясат боюнча адиси Юсуф Эрим БУУнун азыркы түзүмү менен баш калкалоочулар, террор жана климаттын өзгөрүшү сыяктуу глобалдык көйгөйлөр менен күрөшүүдө жетишсиз экенине көңүл бурду.
Эрим БУУнун Коопсуздук Кеңешинде Африка менен Түштүк Американын туруктуу өкүлчүлүгүнүн зарылдыгын белгиледи.
Европа Биримдигинин саясат жана стратегиялык коммуникациялар боюнча консультанты Ипек Текдемир, Европа Биримдигинин дүйнөлүк тартиптин адилеттүү болушу үчүн таштай турган кадамдары тууралуу ой бөлүштү.
Европанын консерваторлор жана реформаторлор партиясынын мурдагы башкы директору Ричард Милсом 70 жылдык дүйнөлүк тартиптин жаңы коркунучтарга чечим табуу үчүн жетишсиз экенин баса белгиледи.
Европа Коңшулук Кеңешинин аналитикалык борборунун директору Самуэль Довери Вестербие бул мааниде Түрк Мамлекеттер Уюму (TМУ) сыяктуу жаңы түзүлүп жаткан институттардын маанисине токтолду.
НАТО жана аналитикалык борборлордун стратегиялык аналитиги жана саясат кеңешчиси Мауризо Гери, БУУнун Коопсуздук Кеңешиндеги көпчүлүк добушка каршы вето маселесинин демократиялык түзүлүшкө туура келбеген эскичил бир түшүнүк экенин белгиледи.
