Түркия Израилдин Газага кол салууларын айыптады
Бул тууралуу Тышкы иштер министрлигинин жазуу түрүндөгү билдирүүсүндө орун алды.
Түркия Израилдин Газага абадан кол салуусун жана Месжид-и Аксага кирип барууларын айыптады.
Тышкы иштер министрлигинин жазуу түрүндөгү билдирүүсүндө,« Израилдин 5-августта Газага карата баштаган, арасында балдар да болгон көптөгөн жайкын тургундардын өлүмүнө себеп болгон кол салуулардан тышкары бүгүн Израилдин депутаты Итамар Бен-Гвир жана фанатик жөөт топтору Израилдин коргоосу астында Месжид-и Аксага кирип баргандары белгилүү болду. Израилдин жайкын тургундарга карата уланып жаткан кол салууларын жана Акса мечитинде ибадат кылуу аракетин катуу айыптайбыз»,делди.
Харем-и Шариф жана Месжид-и Аксадагы абалды ачык бузууну түзгөн жогоруда айтылган провокациячыл кыймылдардын аймактагы чыңалууну дагы да күчөтө турганы баса белгиленип, Израиль өкмөтүнө карай Харем-и Шарифтин статусу жана рухийлиги бутага алынган мындай аракеттерге жол бербөөгө чакырык жасоо кайталанганы билдирилди.
Израилдин курчоого алынган Газа тилкесине 5-августта баштаган кол салуулары бүгүн да уланып, Израилдин ашынган улутчул парламентарийи Итамар Бен-Гвир баш болгон 2201 фанатик жөөт отурукташуучусу Месжид-и Аксага кирип барышкан.
Тектеш кабарлар
Түркиянын террор менен күрөшүүсү уланууда
Бул тууралуу Улуттук коргоо министрлигинин билдирүүсүндө маалымат берилди.