Өмер Челик: «Грециянын мыйзамды бузган үгүттөө механизми дагы бир жолу ишке кирди»

Адилеттик жана өнүгүү партиясынын төрага орун басары жана басма сөз катчысы Өмер Челик: «Грециянын мыйзамды бузган үгүттөө механизми дагы бир жолу ишке кирди»,-деди.

Өмер Челик, президент жана АК партиянын төрагасы Режеп Таййип Эрдогандын жетекчилигинде партиянын борборундагы Борбордук чечим жана башкаруу кеңешинин (MKYK) жыйынынын алкагында билдирүү жасады.

Президент Эрдогандын жума соңундагы Эфес-2022 машыгуусунда Греция аралдарынын (Эгей деңизиндеги) куралдануусуна байланыштуу катуу билдирүүлөрдү жасаганына көңүл буруп: «Бул жерде Грециянын бул билдирүүлөрдү бурмалаган жана мыйзамды бузган үгүттөө механизми дагы бир жолу ишке кирди. Биз дайыма Греция биздин коңшубуз деп айтабыз, кошунабыз менен бир дасторкон үстүндө өз көйгөйлөрүбүздү чечүүгө мүмкүнчүлүгүбүз бар, бизде тарыхый тажрыйбалар бар жана биз диалогго ачыкпыз, бирок тилекке каршы Греция ар дайым дүйнөдөгү үчүнчү чоң өлкөнү ишке аралаштырып, мыйзам бузууларды факты катары алып келе жаткандыгы бул процесстин оң багытта илгерилешине тоскоол болууда»,-деп айтты.

Грециянын келишимдерди бузуу менен кээ бир аралдарды куралдандыруу боюнча Челик:«Азыр биз качан мыйзамга чакырып, бул маселени үстөл үстүндө талкууласак, тилекке каршы Греция муну «кошунабыздын агрессиясы», «Түркиянын Осмон империясы жөнүндөгү кыялы» же «Түркиянын Грецияга коркунучу» сыяктуу негизсиз пропагандага айлантып башка өлкөлөргө билдирүү жөнөтүүгө аракет кылып жатат»,-деп билдирди.

Өмер Челик Грециянын мыйзамды бузган тарап экенин белгилеп:«Биз бул маселени үстөл үстүндө чечели, бул маселени дипломатиялык жол менен чечип, эки өлкөнүн ортосунда чечели деген тарап да бизбиз, бирок сиз столдун үстүндө чечүү боюнча ар бир сунушту артка жылдырганыңызда, маселе боюнча иш жүзүндө кырдаал түзүлсүн деп талаада жана мыйзамсыздык жаатында алдыга жыла турган болсоңуз, албетте, өлкөбүз да талаада чыныгы бар экенин ачык жана так көрсөтөт. Чындыгында, бул жердеги талкуунун негизи Түркиянын Көгүлтүр мекенге карата сезимталдыгынын Көгүлтүр мекен тууралуу аныктамасына ылайык болушу»,-деди.