Түркиядан Францияга камоо процесси боюнча каршы чыгуу...

Тышкы иштер министрлигинин басма сөз катчысы, элчи Танжу Билгич, Францияда камакта каза болгон Мертер Кескин тууралуу суроого байланыштуу,«Камоо процесси тууралуу Франция басма сөзүндө чагылдырылган акыркы сүрөттөр мыйзамдын үстөмдүгүнө туура келбей турганы анык»,-деди.

Тышкы иштер министрлигинин басма сөз катчысы Танжу Билгич, Францияда камакта каза болгон Мертер Кескин тууралуу суроого жооп берди.

Билгич:«Мертер Кескин аттуу жараныбыз 2021-жылдын 12-январында Франциянын Селестат шаардык полиция бөлүмүндө камакта жатып каза болгон. Маселе Франциянын сот органдарына өткөрүлүп, тергөө иштери уланууда. Окуяны билгенден кийин Франциядагы биздин өкүлдөр маркумдун үй-бүлөсү менен тыгыз байланышта болуп, керектүү юридикалык жана моралдык колдоо көрсөтүүнү улантууда»,- деди.

Катчы Билгич француз басма сөзүндө чагылдырылган камоо процессинин акыркы сүрөттөрүнүн мыйзам үстөмдүгү түшүнүгүнө туура келбегенин баса белгилеп:«Биз каза болгон жараныбыздын өлүмүнүн себептери мүмкүн болушунча тез арада такталышын күтөбүз. Адалды байкоону улантабыз»,-деди.

Өткөн жылы француз полициясы тарабынан кармалып, тескери кишен тагылып көмкөрөсүнөн жаткырылган түрк жараны Мертер Кескиндин колундагы кишендерин чечүүгө аракет кылып жатканда, анын денесине басым жасалганда дем алуусу начарлап каза болгон кездеги сүрөтү басма сөздө чагылдырылган.