Эрдоган Түркчөнүн аудио - визуалдык медиада туура колдонулушу сыйлыгын тапшыруу аземине катышты

Президент Р. Т. Эрдоган : "Түрк тилибизди коргоо, өнүктүрүү жана байытуу үчүн күрөшүбүз негизинен улуттук күрөш",- деди. 

Президент Эрдоган президенттик комплексинин конференция залында Юнус Эмре жылынын түркчөнүн аудио - визуалдык медиада туура колдонулушу сыйлыгын тапшыруу аземине катышты.

Эрдоган бул жерде сүйлөгөн сөзүндө  ар бир тилдин өз ичинде эстетика менен токулган ыр экендигин айтып : "Өз тилибиз түркчөнүн башка бир сулуулук экенинде шек жок. Анткени түрк тили биздин эне тилибиз. Мурасыбыз жана эркиндигибиздин кепилдиги. Түрк тилинин ар бир сөзү биз үчүн баа жеткис бир асыл таш",- деди. 

"Тилин жашата албаган бир улут акырында ишеничи менен баалуулуктарынан ажырап калышы мүмкүн.Түрк тилин жашатпастан  улутубуздун келечегине ишенимдүү карай албайбыз",- деген Эрдоган  : "Түрк тилибизди коргоо, өнүктүрүү жана байытуу үчүн күрөшүбүз негизинен  улуттук күрөш болуп саналат",- деди. 

Президент бүгүнкү күндө Адриатикадан Улуу Кытай дубалына чейин созулган кең географияда эң көп колдонулган тилдин түрк тили экенин айтты.