Хайко Маас ЕБ менен Түркиянын ортосундагы миграция келишиминин жаңыланышын каалайт
Welt гезитине жасаган билдирүүсүндө Маас, Түркия менен миграция жаатындагы кызматташтыкты жаңыртуу зарылдыгын белгиледи.
Германиянын тышкы иштер министри Хайко Маас Европа Биримдиги (ЕБ) менен Түркиянын ортосундагы миграция келишимин жаңылоону талап кылды.
Welt гезитине жасаган билдирүүсүндө Маас, Түркия менен миграция жаатындагы кызматташтыкты жаңыртуу зарылдыгын белгилеп, «Түрк өкмөтү менен болгон бардык кыйынчылыктарга карабастан, бул өлкө биз үчүн маанисиз миграциялык жүктү мойнуна алганын моюнга алуу керек»,-деди.
Аймактын башка өлкөлөрүнөн келген 4 миллиондой сириялык жана качкындын Түркияда жашагандыгына көңүл бурган Маас: «Биз Европа Биримдигинде Түркия менен болгон миграция келишимин андан ары өнүктүрүүгө жана жаңыртууга чоң кызыкдарбыз деп эсептейм»,-деп айтты.
Маас, жаңы келишим түзүлүп калса, Европа Биримдигинин Түркияга каржылык колдоосу жөнүндөгү суроого, «Мен эч кандай цифралар менен чыккым келбейт, бирок анын акчасыз болбой турганы толук айдан ачык»,деген баасын берди.
Түркиянын акыры олуттуу чыгымдарды көтөрүп, башкалардын акчаны үнөмдөп жаткандыгын баса белгилеген Маас, бул «миллиондогон адамдарга кам көрүү» маселеси экендигин айтты.
