«Фатих» жана «Кануни» кемелери жаңы бургулоо үчүн даярдыктарын жасоодо

Түркиянын биринчи жергиликтүү бургулоочу кемеси «Фатих» жана «Кануни» «Түркали-2» кудугундагы чалгындоо иштеринен кийин апрель айында баштала турган иштерге даярданып жатышат.

«Фатих» Түндүк Сакария газ кениндеги «Амасра-1» кудугу деп аталып жаткан аймакта жүргүзүлө турган чалгындоо бургулоо иштеринен мурун Зонгулдактын Чайчума районундагы Филёс портуна казык таштады.

Ошол эле портко 14-ноябрда барган жана бул жерде мунара монтажы, деңизде навигациянын сыноосу,  бургулоо жабдуулары жана кудуктардын коопсуздугу тутумунун техникалык тейлөө иштерин жүргүзгөн «Кануни» кемеси дагы «Амасра-1» кудугунда «Фатих» жүргүзө турган бургулоо иштеринин толуктоочу жана кээ бир сыноо иштерин аткарат.

Энергетика жана жаратылыш ресурстары министри Фатих Дөнмез, телеканалда, «Биздин максатыбыз жакынкы 5 жылда 30-40 кудукка жетип, өндүрүүнү ишке ашыруу болуп саналат. Биздин биринчи максатыбыз - 2023-жылы биринчи газды Республикабыздын 100 жылдык мааракесинде кургактыкка чыгара турган  улуттук берүү тутумун басуу»,деп түшүндүрдү.