"Фатих" бургулоо кемеси Кара деңизде биринчи бургулоосун баштады

Энергетика жана жаратылыш ресурстары министри Фатих Дөнмез «Фатих» бургулоо кемесинин Кара деңиздеги биринчи бургулоосунун Туна  - 1 багытында башталганын билдирди. Дөнмез твиттерден берген маалыматында Кара деңизде жүргүзүлгөн нефть жана жаратылыш газ изилдөөлөрүнө байланыштуу : «Бар болсо сөзсүз табабыз»,- деди.

Түркиянын энергетика көз карандысыздыгы үчүн деңиздердин ар бир метр квадратынын изилденерин айткан Дөнмез : « «Фатих» улутубуздун дуасы жана колдоосу менен Кара деңиздеги биринчи бургулоосун Туна  - 1 багытында баштады»,- деп билдирди.

«Фатих» бургулоо кемеси 29 -  майда Стамбудан Трабзон портуна узатылган.

Кеменин 103 метрдик мунаралары көпүрөлөрдөн өтүшү үчүн Хайдарпаша портуна түшүрүлүп жана мунаралары Трабзон портунда тургузулган.