Орусиянын тышкы иштер министри Түркияга келет
Сергей Лавров тышкы иштер министри Мевлют Чавушоглу менен жолугушуу үчүн 28 – 29 - мартта Анталияга келет.
Орусиянын тышкы иштер министри Сергей Лавров тышкы иштер министри Мевлют Чавушоглу менен жолугушуу үчүн 28 – 29 - мартта Анталияга келет.
Спутник маалымат агенттигинен берилген кабарга караганда Лавров менен тышкы иштер министри Мевлют Чавушоглунун андан мурда 12 - март деп пландалган бирок эки министрдин да программасындагы өзгөрүүлөрдөн улам жоюлган жолугушуу бул жумада өткөрүлөт.
Орусиянын тышкы иштер министрлигинин катчысы Мария Захарова : «Орусиянын тышкы иштер министринин түрк кесиптеши менен жолугушуу үчүн 28 – 29 - мартта Анталияга барышы пландалууда»,- деди.
Ушундайча тышкы иштер министри Чавушоглу күнүн 28 - март деп берген жолугушуу Орусия тарабынан да ырасталган болду.
Лавров менен Чавушоглунун Анталияда Орусия - Түркия стратегиялык пландоо группасынын жыйынына жетекчилик кылышы күтүлүүдө.
Чавушоглу 8 - апрелде да президент Р. Т. Эрдоган менен Орусияга сапар менен барарын белгилген.
Орусияда болсо Түркия - Орусия жогорку деңгээлдеги кызматташтык кеңешинин жыйынынын өткөрүлүшү күтүлүүдө.
Түркия - Орусия жогорку деңгээлдеги кызматташтык кеңешинин жыйынына Орусиянын президенти В. Путин менен президент Р. Т. Эрдоган жетекчилик кылат.
Тектеш кабарлар
Министр Байрактар кытайлык кесиптеши менен жолугушту
Министр Байрактар жолугушууга байланыштуу билдирүү жарыялады.