Азербайжан менен Армениянын тышкы иштер министрлеринин жолугушуусу
Жейхун Байрамов менен Армениянын тышкы иштер министри Арарат Мирзояндын ортосундагы 2 күндүк сүйлөшүү аяктады.
Азербайжан менен Армениянын ортосундагы тынчтык сүйлөшүүлөрүндө кээ бир негизги маселелер боюнча кошумча иштердин улантылышы керектиги айтылды.
Тынчтык келишими сүйлөшүүлөрүнүн алкагында Германиянын борбор шаары Берлинде Азербайжандын тышкы иштер министри Жейхун Байрамов менен Армениянын тышкы иштер министри Арарат Мирзояндын ортосундагы 2 күндүк сүйлөшүү аяктады.
Азербайжандын Тышкы иштер министрлигинин билдирүүсүндө: «Министрлер жана делегациялары "Тынчтык жана мамлекеттер аралык мамилелерди түзүү боюнча эки тараптуу келишимдин" долбоорунун жоболору боюнча өз позициясын талкуулашты. Айрым негизги маселелер боюнча кошумча иштерди улантуу керектиги баса белгиленди» деген сөздөр камтылды.
Министр Байрамовдун Германиянын тышкы иштер министри Анналена Баербокка жолугушууларды жетектегени үчүн ыраазычылык билдиргени маалымдалды.
