Кыргызстан менен Тажикстан дагы 1,1 чакырымдык чек ара тилкеси боюнча макулдашты
Тажикстандын Улуттук коопсуздук боюнча мамлекеттик комитетинин билдирүүсүндө, эки өлкөнүн жумушчу топтору өлкөнүн түндүгүндөгү Согд облусунун Бустон шаарында жыйын өткөргөндүгү маалымдалды.
Кыргызстан менен Тажикстандын ортосунда дагы 1,1 чакырым талаштуу чек ара тилкеси макулдашылды.
Тажикстандын Улуттук коопсуздук боюнча мамлекеттик комитетинин билдирүүсүндө, эки өлкөнүн жумушчу топтору өлкөнүн түндүгүндөгү Согд облусунун Бустон шаарында жыйын өткөргөндүгү маалымдалды.
Билдирүүдө топтор талаа изилдөөлөрүнөн кийин дагы 1,1 чакырым жалпы чек ара тилкеси боюнча макулдашып, тиешелүү протоколго кол коюлганы айтылды.
Билдирүүдө тараптар Кыргызстанда өтө турган кезектеги жолугушууда эки өлкөнүн ортосундагы талаштуу чек аранын башка жерлери боюнча ишти уланта турганы айтылды.
Кыргызстан менен Тажикстандын ортосундагы 972 чакырым жалпы чек аранын болжол менен 90 пайызына туура келген 889,45 чакырым тилке боюнча келишим түзүлүп, 30-январдан 5-февралга чейин Кыргызстандын Баткен шаарында жолуккан тараптар чек аранын дагы 3,71 чакырымы боюнча макулдашууга жетишип, протоколго кол коюшкан.
Тажикстан менен Кыргызстандын ортосунда чек ара талаштарынан улам маал-маалы менен чыңалуу жана чыр-чатактар чыгып, 2022-жылдын 14-сентябрында эки өлкөнүн ортосундагы акыркы окуяларда эки тараптан тең ондогон адамдар каза болгон.
