Шинжаң-Уйгур автономдуу районундагы жер титирөө аймактагы өлкөлөрдө да сезилди

Кытайдын Шинжаң-Уйгур автономдуу районунда күчү 7 баллга жеткен жер титирөө болду.

Америка Кошмо Штаттарынын Геологиялык кызматы (USGS) тарабынан күчү 7 балл жана Кытайдын Жер титирөө желелер ​​борбору (CENC) тарабынан 7,1 балл деп жарыяланган жер титирөөнүн очогу Айкөл шаарында болуп, Кыргызстан жана Казакстандын чек арасына жакын тоолуу аймакта 22 чакырым тереңдикте катуу силкинди.

Жер титирөөдө каза болгондор тууралуу азырынча маалымат жок, бирок жергиликтүү убакыт боюнча саат 03:00гө карата эпицентрден 20 чакырым алыстыкта ​​жайгашкан 20 айылда эки үй жана кээ бир мал сарайлары кыйрап калганы кабарланды.

Жер титирөөдөн кийин аймакта силкинүүлөр катталып, алардын эң чоңу 5,3 баллга жеткен.

Шиңжаң-Уйгур автономиялуу районуна караштуу Аксуу шаарынын борбору менен катар Кашкар, Хотан жана Үрүмчү шаарларында да сезилген жер титирөө аймактагы өлкөлөрдө, өзгөчө Кыргызстан, Казакстан жана Өзбекстанда да сезилди.