Түркмөнстан: «Биз Транскаспий кызматташуусуна даярбыз»

Түркмөнстандын тышкы иштер министри Рашид Мередов Түркмөнстан Транскаспий кууру долбоорун ишке ашыруу боюнча европалык өнөктөштөр менен кызматташууну улантууга даяр экенин билдирди.

Түркмөнстандын Тышкы иштер министрлигинин билдирүүсүнө караганда, Мередов Түркмөнстандын борбору Ашхабадда Каспий деңизинин күнүнө карата өткөн «Каспий-Тынчтык жана достук деңизи» форумунда сөз сүйлөдү.

Каспий күнү эл аралык иш-чаралардын календарына Түркмөнстандын аракети менен киргендигин белгилеген Мередов: «Биздин өлкө Каспий боюнча күн тартибиндеги бардык маселелер боюнча өнөктөштөр менен диалогго ар дайым даяр жана ар кандай көз караштарды жана конструктивдүү сунуштарды талкуулоого ачык»,-деди.

Мередов, Каспийде жээкке ээ болгон коңшу өлкөлөр жана аймактын тышындагы мамлекеттер менен экономикалык кызматташтыкты өнүктүрүүнү максат кылгандарын белгиледи.

Энергетика тармагында диверсификациялоо стратегиясын карманган Түркмөнстандын Транскаспий кууру долбоорун ишке ашыруу боюнча европалык өнөктөштөр менен кызматташууну улантууга даяр экенин белгилеген Мередов, мунун экономикалык жана коммерциялык жактан гана пайдалуу долбоор эмес экенин, ошондой эле таламдарды жана пайдаларды бирдей эсепке алуунун негизинде глобалдык энергетикалык коопсуздукту жана туруктуулукту камсыз кылуунун негизги шарты катары кароого боло тургандыгын баса белгиледи.