Өзбекстандын алгачкы атомдук станциясы

Орусиянын мамлекеттик атомдук энергетика мекемеси (Росатом) Өзбекстанда кура турган өлкөнүн алгачкы атомдук станциясы 2028 -  жылга чейин ишин баштайт.

Өзбекстандын президенттик басма сөз офисинен берилген маалыматка караганда Росатомдун кызматташтыгында өлкөдө курула турган биринчи атомдук станция 2028 – жылга чейин ишке кирет.

Маалыматта : «Орусиянын Росатом мамлекеттик фирмасы менен атомдук станциянын курулушу тууралуу макулдашуу түзүлдү. Эки блоктон турган станциянын ар бир блогу 1200 мегаваттык көлөмгө ээ болот. Дүйнөдөгү эң ишенимдүү жана заманбап блоктордон тура турган атомдук станциянын 2028 -  жылга чейин ишке кирери пландалып жатат»,- деп билдирилди.