Түрк басма сөзү 26.08.2021
Түрк басма сөзүнөн кыскача маалыматтар.
«Хабертүрк» гезити «Түрк аскери Ооганстандан кайтып келүүдө» аттуу маалыматында Улуттук коргоо министрлиги, Түрк куралдуу күчтөрүнүн элементтеринин Ооганистандан чыгарылышы ар кандай байланыштар, учурдагы абал жана шарттар баалангандан кийин башталганын билдиргенин маалымдаган.
«Ватан» гезити «Президент Эрдогандын Талибан билдирүүсү» аттуу маалыматында президент Режеп Таййип Эрдогандын Битлистин Ахлат районундагы элчилер менен кечки тамактануу программасында: «Ооганстанда инклюзивдүү өкмөт түзүлүшү керек. Азырынча талибдердин лидерлеринин билдирүүлөрүнө этият оптимизм менен кароодобуз»,дегенин берген.
«Стар» гезити «Эрдоган: Биз дүйнөдөгү ар бир орчундуу маселеде сөзү бар өлкөгө айландык» деген кабарында президент Режеп Таййип Эрдогандын Битлистин Ахлат районунда Малазгирт жеңишинин 950 жылдыгында өткөрүлгөн иш -чарада сүйлөп жатып: «Кечээ биз дээрлик өз чек араларында жашоо үчүн күрөшкөн бир өлкөдөн, бүгүнкү күндө регионундагы жана дүйнөдөгү ар бир орчундуу маселеде сөзү бар мамлекетке айландык»,дегенин баяндаган.
«Йени шафак» гезити «TURKOVAC вакцинасы 3 -фаза изилдөөлөрүнүн алкагында ыктыярчыларга бериле баштады» деген кабарында Кайсери Эржиес Университети (ERÜ) жана Саламаттыкты сактоо министрлигинин Түркиянын Саламаттыкты сактоо Институттарынын башкармалыгы (TÜSEB) менен коронавирустун жаңы түрүнө (Ковид-19) каршы биргеликте иштелип чыккан TURKOVAC, 3-фаза изилдөөлөрүнүн алкагында ERUда ыктыярчыларга бериле баштаганын жазган.
«Сабах» гезити «Стамбул аэропорту 2050 -жылга чейин нөлдүк эмиссияга убадасын берүүдө» деген кабарында Стамбул аэропорту Эл аралык Аэропорттор Кеңеши баштаган жана 238 аэропортту камтыган 2050 -жылга чейин «Net Zero CO2 Emission» милдеттенмесине кошулганын маалымдаган.
