УЕФАнын Чемпиондор лигасынын чейрек финалисттери белгилүү болду

УЕФАнын Чемпиондор лигасынын акыркы 16 команда ойногон турунун толкундануусу аяктап, чейрек финалисттери белгилүү болду.

Боруссия Дортмунд менен Атлетико Мадрид мелдешти улантса, ПСВ жана акыркы финалист Интер турнир менен кош айтышты.

Интер өз талаасында 1-0 эсебинде жеңген биринчи беттештин реваншында эки команда бул жолу Метрополитано стадионунда беттешти.

Интер 33-мүнөттө Димарконун голу менен алдыга чыкса, Атлетико Мадрид 35-мүнөттө Гризманн менен эсепти теңеди.

Биринчи тайм ушундай эсеп менен аяктады.

Беттештин аягында басымын арттырган Атлетико Мадрид 87-мүнөттө Депай менен эсепти 2-1 кылды.

Жалпы эсеп 2:2 болуп, беттеш кошумча убакытка өттү.

Кошумча убакытта голдор болбой, оюн пенальтиге чейин созулду.

Пенальтиде Интерди 3:2 эсебинде утуп алган Атлетико Мадрид чейрек финалга чыкты.

Интерге биринчи пенальти аткарган Хакан Чалханоглу стилдүү сокку менен топту дарбазага киргизсе, Атлетико Мадриддин дарбазачысы Облак эки пенальтиден куткарып, акыркы пенальтиде Лаутаро Мартинес топту сыртка тээп, Атлетико кийинки турга өттү.

Түнкү дагы бир беттеште Боруссия Дортмунд менен ПСВ Эйндховен беттешти.

Дортмунд 1-1 эсеби менен аяктаган биринчи беттештин реваншында атаандашын 2-0 эсебинде жеңип, чейрек финалга атын жазды.

Боруссия Дортмундду турга алып келген голдорду 3-мүнөттө Жейдон Санчо жана 90+5-мүнөттө Марко Ройс киргизди.

Дортмунд үчүн ойногон улуттук футболчу Салих Өзжан оюн бою талаада калды.

ПСЖ, Бавария Мюнхен, Реал Мадрид, Манчестер Сити, Барселона,  Арсенал, Атлетико Мадрид, Боруссия Дортмунд Чемпиондор лигасында чейрек финалга чыккан командалар болду.