Түркиянын А улуттук волейбол командасы Болгарияны жеңди

Түркиянын кыз-келиндерден куралган А улуттук волейбол командасы 2024 Париж Олимпиада оюндарынын тандоолорунун В тайпасындагы экинчи беттешинде Болгарияны 3-0 эсебинде жеңди.

Япониядагы беттеште улуттук курама биринчи сетти 25-20 эсебинде алдыда бүтүрдү.

Улуттук команда экинчи сетти да 25-19 эсебинде алдыда аяктады.

Үчүнчү сетти жакшы ойногон түрк командасы, бул сетти 25-15 жана матчты 3-0 эсебинде утуп алды.

Тордун султандары олимпиадалык тандоо оюндарынын экинчи беттешинде да эч жеңилбестен ойноду.

Ай жылдыздуулар тайпадагы үчүнчү беттешинде 19-сентябрь шейшемби күнү Түркия убактысы боюнча саат 07:00де Перу менен мелдешет.

Квалификациялык оюндарда өз тайпаларында эң мыкты 2 орунду ээлеген өлкөлөр Париж Олимпиада оюндарына квота алышат.

Олимпиадалык тандоо турунда 24 команда Кытай, Япония жана Польшада олимпиадалык виза үчүн ат салышат.

Тайпалар төмөнкүдөй:

А тайпасы (Кытай): Кытай, Канада, Чехия, Доминикан Республикасы, Мексика, Нидерландия, Сербия, Украина

В тайпасы (Япония): Япония, Түркия, Бразилия, Бельгия, Болгария, Пуэрто-Рико, Аргентина, Перу

С тайпасы (Польша): Польша, Колумбия, Германия, Италия, Түштүк Корея, Словения, Таиланд, АКШ