Улуттук аткыч Огузхан Түзүн алтын медалга ээ болду
Түркиянын атуу жана мергенчилик федерациясынын билдирүүсүнө караганда Дохада уланып жаткан учкан табакты атуу дүйнөлүк кубогунун трап эркектер категориясында улуттук атлет Огузхан Түзүн алтын медалга ээ болду.
Улуттук аткыч Огузхан Түзүн Катарда өткөн учкан табакты атуу боюнча дүйнөлүк кубокто алтын медалга ээ болду.
Түркиянын атуу жана мергенчилик федерациясынын билдирүүсүнө караганда Дохада уланып жаткан учкан табакты атуу дүйнөлүк кубогунун трап эркектер категориясында улуттук атлет Огузхан Түзүн рейтинг жарышында 121 упай менен жарым финалга чыкты.
Ай жылдыздуу спортчу жарым финалда 19 упай топтоп, алтын медаль үчүн беттешке жолдомо алды.
Огузхан финалдык беттеште 33 упай менен алтын медалдын ээси болду.
Ушул эле мелдеште ат салышкан улуттук атлет Недим Толга Тунчер 119 упай менен мелдешти 28-орунда бүтүрдү.
Трап аялдар категориясында таймашкан улуттук спортчулардан Сафие Сарытүрк Темиздемир 115 балл менен 17-орунга, Рүмейса Пелин Кая 114 балл менен 23-орунга ээ болду.
