Бүгүн кечинде Фенербахче менен Галатасарай беттешет

Футболдо толкундануу «чоң таймаш» менен башталууда.
Фенербахче менен Галатасарай бүгүн кечинде Супер кубоктун финалында беттешет.
Манисада боло турган беттешүүнүн бардык кирешеси Сомада каза болгон кенчилердин үй-бүлөлөрүнө өткөрүлөт.
Маниса бүгүн кечинде Түриянын футбол дөө-шаасынан экөөнү тосуп алат.
Өткөн сезондун Супер лига чемпиону Фенербахче менен Түркия кубогунун ээси Галатасарай, Супер кубок беттешүүсүндө сезондун галасы мүнөзүндөгү оюнду ойнойт.
Эзелки атаандаштар Супер кубокто удаама-удаа үчүнчү жолу беттешүүдө.
Галатасарай 2012-жылы Эрзурумда 3-2, өткөн жылы да 1-0 эсебинде утуп алып кубокту музейине алып кеткен.
105 жылдык атаандаштыкта 378-беттешүүсүнүн алдында Фенербахченин 143, Галатасарайдын 121 жеңиши бар.
Супер лигада бул сезондо 4-жылдыз үчүн таймаша турган эки команда бул жолу Манисадагы 19-май стадионунда көзүрлөрүн бөлүшөт.
Машыктуруучулар Фенербахчеде Исмаил Картал жана Галатасарайда Пранделли, командаларынын алгачкы расмий беттешүүсүндө чоң дербиге күбө болушат.
Бир убакта Фенербахче формасын кийген Олжан Адын эми Фенербахчеге каршы Галатасарай командасында ойнойт.
Фенербахченин жаңы оюнчусу Диего Рибас болсо чет өлкөлүк оюнчу чектөөсү болгондуктан лицензиясын чыгарта албагандыгы үчүн командада ойнобойт.
Супер кубоктон түшкөн киреше толугу менен Сомада каза болгон кенчилердин үй-бүлөлөрүнө берилет.
Ушул алкакта алгач ирет протоколдогулар жана кызмат кыла турган журналисттер да акы төлөп киришет.
Бүгүн кечинде саат 20:30да баштала турган «супер» дербини калыс Мустафа Камил Абитоглу башкарат.