ТРТнын эл аралык даректүү тасма сыйлыктары жеңүүчүлөрүнө тапшырылды

Түркия радио жана телекөрсөтүү мекемеси (TRT) тарабынан быйыл 14-ирет уюштурулган «TRT Эл аралык даректүү тасма сыйлыктары» Стамбулда өткөрүлгөн сыйлык тапшыруу аземи менен аяктады.

100гө жакын өлкөдөн 1000ге жакын долбоор кайрылган ТРТнын 14-Эл аралык даректүү тасма сыйлыктарында «Эл аралык категория», «Улуттук кесипкөй категория», «Улуттук студенттик тасмалар категориясы» жана «Долбоорлорду колдоо категориясы» деген 4 категорияда 32 финалист сыйлык үчүн ат салышты.

Сыйлык тапшыруу аземинде Эл аралык категорияда «Эң мыкты тасма» даректүү тасмасы «Демократиянын объективи» деп табылса, экинчи сыйлыкты «Жизелу» жана үчүнчү сыйлыкты «Алтын өмүр» тасмасы алды.

Улуттук профессионалдык категорияда «Фланөз» тасмасы «Эң мыкты тасма» сыйлыгына, «Билге Ана Мевлүде Генч» Маданият жана туризм министрлигинин атайын сыйлыгына жана  «Кавур» калыстар тобунун атайын сыйлыгына татыктуу деп табылды.

Улуттук студенттик тасмалар номинациясында «Асманды кара» фильми «Эң мыкты тасма» сыйлыгына, «Нан кайык» экинчи сыйлыкка, «Бейпил түн чоң ата, мен сени сүйөм» үчүнчү сыйлыкка татыктуу болсо, Долбоорду колдоо категориясында «Боштук», «Эгерде сенин жакшылыгыңды биз да көрсөк» жана «Туздан кыялдар» аттуу даректүү тасмалар сыйланды.

Аземде сөз сүйлөгөн ТРТнын башкы директору Мехмет Захид Собажы иш-чаранын «Тамырлуу издер, күчтүү окуялар» урааны менен уюштурулганын жана бул иш-чаранын Түркиянын эң чоң даректүү тасма фестивалы болгонун айтты.

Түркиядагы даректүү тасма жана даректүү тасма тартуунун тарыхын жана жоруктарын ТРТдан көз карандысыз кароонун мүмкүн эмес экенине көңүл бурган Собажы, ТРТ даректүү тасма сыйлыктарынын дүйнөнүн ар кайсы аймактарынан келген даректүү тасмаларды бириктирген бренддик иш-чара экенин белгиледи.

Даректүү тасмалардын айырмалоочу жактарынын биринин негизги глобалдык маселелерди аныктоо, бул маселелердин чечилишине жарык чачуу жана бүт чындык менен адилетсиздикти ачыкка чыгаруу жөндөмдүүлүгү экенин белгилеген Собажы:«Белгилүү болгондой, Израиль 7-октябрдан бери Газада геноцид кылып жатат. Биз өздөрү чыгарган кээ бир концепциялар аркылуу дүйнөнү жөнгө салууга аракет кылган батыш мамлекеттеринин эркин деп аталган, бирок иш жүзүндө бул геноцид алдында көзөмөлдөнгөн маалымат каражаттары үч маймылды кантип ойногонуна күбө болуп жатабыз.

Израилдин адамзатка каршы кылмыштарына эң чоң реакция 8 миллиард адамдын укугун коргогон Түркиядан келүүдө. Мамлекетибиз эзилгендер тарабындагы позициясы менен бүткүл дүйнөгө адилеттүүлүк жана калыстык сабагын берип жатса, биз Түркиянын коомдук телерадиокомпаниясы катары канкор ким, курмандык ким экенин көрсөтүүлөр жана чыгарылыштар менен далилдер аркылуу түшүндүрүп жатабыз»,-деп айтты.

Иш-чарада Газа үчүн атайын темаларды кошкондугун билдирген Собажы фестивалга салым кошкон бардык документалисттерге, калыстар тобунун мүчөлөрүнө жана кесиптештерине ыраазычылык билдирди.