Америкалык астронавт жаштардын космоско болгон кызыгуусунан таасирленди
Дороти Меткалф-Линденбургер Чигли аэропортунда уюштурулган фестивалдын акыркы күнүндө «Астронавттар айтып берет: Кызыктуу окуялар» аттуу баарлашууга катышты.
Измирде өткөрүлгөн дүйнөнүн эң чоң авиация, космос жана технология фестивалы TEKNOFESTке катышкан америкалык астронавт Дороти Меткалф-Линденбургер түрк жаштарынын космоско болгон кызыгуусунан таасирленди.
Дороти Меткалф-Линденбургер Чигли аэропортунда уюштурулган фестивалдын акыркы күнүндө «Астронавттар айтып берүүдө: Кызыктуу окуялар» аттуу баарлашууга катышты.
Америкалык астронавт бул жерде жаштардын суроолоруна жооп берди.
2004-2014-жылдар аралыгында 10 жыл астронавт кызматын аткарганын айткан Меткалф-Линденбургер космосто болуунун эң кызыктуусунун ал жерден Дүйнөнү көрүү экенин билдирди.
TEKNOFEST иш-чарасына биринчи жолу катышканын маалымдаган Меткалф-Линденбургер: «Бул жердеги эл мени абдан суктандырды. Жаштарды, балдарды, үй-бүлөлөрдү, университеттин студенттерин, аскерлерди көрүп өтө таасирлендим. Сүйлөшүп жатканыбызда үстүбүздөн укмуштуудай учактардын өтүп жатканын уктум. Бул чындыгында таасирдүү болду»,-деди.
Меткалф-Линденбургер түрк жаштарынын космоско жана авиацияга абдан кызыккандарын байкаганын да белгилеп: «Түрк жаштары өтө билимдүү жана дилгир адамдар. Абдан жакшы идеялары бар. Алар космоско астронавт жөнөтүүгө даяр. Түркиянын авиация жана космос тармагындагы жогорку деңгээлдеги катышуусунун улана берерин билем. TEKNOFEST муну мүмкүн кылган чөйрөнү түзүүдө»,-деди.
