TEKNOFEST Анкарада эшигин ачты

Дүйнөдөгү эң ири авиация, космос жана технология фестивалы TEKNOFEST Республиканын 100 жылдыгында борбор шаар Анкарада технология жана илим ышкыбоздоруна каалгасын ачты.

Биринчиси 2018-жылы өткөрүлгөн TEKNOFEST бул жылы өлкөдө 7-жолу, жалпысынан 8-ирет өткөрүлүүдө.

Иш-чара Түрк Технология Командасы Фонду (T3) менен Өнөр жай жана технология министрлигинин жетекчилигинде, Түркиянын улуттук технологиялык экосистемасында маанилүү роль ойногон министрликтер, мамлекеттик жана жеке сектор уюмдары, академиялык мекемелер жана медиа компаниялары арасында болгон 125 мекеменин катышуусунда өтүп жатат.

Толук көз карандысыз Түркия үчүн «Улуттук технология кадамы» көз карашы менен миллиондогон адамдарды кучагына алган жана чогулткан TEKNOFEST Анкара, кайрадан шыктануу жана толкунданууну асманга алып барат.

Быйыл дагы TEKNOFESTтин классикасы болгон аба шоулары менен коштолот. Түрк жылдыздары, Соло Түрк, ХҮРКУШ, ГӨКБЕЙ, АКСУНГУР, Байрактар TB2, Байрактар TB3, Жандармерия болот канаттар, Акынжы, Атак тик учагы жана Анка иш-чаранын жүрүшүндө TEKNOFESTтин асманында шоу көрсөтүшөт.

Иш-чаранын алкагында биринчи күнү Акынжы, Хүркуш жана Солотүрк биргелешкен учууну аткарышты.

Республиканын 100 жылдыгына арналган фестивалдын экинчи аялдамасы борбор шаар Анкара болуп, 3-сентябрга чейин Этимесгут аэропортунда ышкыбоздорун күтүүдө.