Түндүк Македония Түрк маданий борборун курат

Түндүк Македония өкмөтү, бүгүн өткөрүлгөн Министрлер кеңешинин 140-жыйынында Түндүк Македония Түрк маданият борборун куруу чечимин чыгарды.

Түрк тектүү Түндүк Македониянын Саясий система жана коомдор аралык байланыштар министринин орун басары Жабир Доко социалдык медиа эсебинен бөлүшкөн билдирүүсүндө, «Түндүк Македония Түрк маданият борборун» куруу чечимин чыгарышканын айтты.

Алдыга койгон максаттарын ишке ашырууну уланткандарын баса белгилеген Доко: «Талыкпас, кылдат жана жан аябас эмгектин натыйжасында партиябыздын шайлоо алдындагы программасындагы бул маанилүү долбоорду ишке ашырып жатканыбызга кубанычтабыз», - деди.

Мекеменин иши мамлекеттик бюджеттин эсебинен камсыздала турганын айткан Доко: «Бул Түндүк Македония түрктөрүнүн уникалдуу маданий баалуулуктарын жайылтат жана заманбап маданият-искусство жаатындагы таланттуу түрк жаштарына өзүн көрсөтүүгө мүмкүнчүлүк берет. Өкмөттүн бул демилгеси өлкөбүздүн көп улуттуу түзүлүшүн сактоо жана өнүктүрүү үчүн зор мааниге ээ»,-деди.

Доко Түндүк Македониянын өкмөттүк коалициясына кирген Түрк аракет партиясынын (THP) квотасынан министрдин орун басары болуп иштейт.