ТРТнын биргелешип тарткан тасмалары 107 сыйлыкка ээ болду

Түркия радио-телеберүү мекемеси (TRT) биргелешип чыгарган тасмалар 2021-жылы да өткөн жылдардагыдай улуттук жана эл аралык кинофестивалдарга катышып, сыйлыктарга ээ болушту.

ТРТнын билдирүүсүнө караганда, өткөн жылы фестивалдарга катышкан ТРТнын биргелешип чыгарган 31 тасмасы улуттук жана эл аралык аренада 107 сыйлыкка ээ болду.

Фестивалдык сапарын дүйнөнүн алдыңкы кинофестивалдарында уланткан ТРТ биргелешип чыгарган тасмалар 2021-жылы эл аралык фестивалдарда жалпысынан 44 сыйлыкка ээ болуу менен ийгиликтерин дүйнөгө жарыялашты.

Канн кинофестивалы, «Сан-Себастьян» кинофестивалы, Локарно кинофестивалы, Карловы Вары кинофестивалы, Токио кинофестивалы жана Сараево кинофестивалы сыяктуу маанилүү фестивалдарда жарышкан тасмалар эл аралык кинофестивалдарда популярдуулугун жоготкон жок.

Өткөн жылы ийгиликтүү чыгарылыштары менен Анталия алтын апельсин кино фестивалы, Босфор кино фестивалы, Стамбул кинофестивалы, Адана алтын тобурчак фестивалы, Малатия кино фестивалы жана Анкара кино фестивалында жарышкан ТРТнын биргелешкен өндүрүшү жана ТРТ колдоого алган тасмалар 23 сыйлыкка ээ болгон.

Биринчи жолу көрсөтүлүп жаткан 7 тасма 45 фестивалга катышып, 32 сыйлыкка ээ болду.

2021-жылы дүйнөлүк бет ачарын жасаган ТРТнын биргелешкен өндүрүшүндө «Эки таңдын ортосунда», «Ыйык рух», «Жапайы тамырлар», «Кодокуши», «Турна Мисалы», «Мугалим» жана «Коридор» тасмалары бар.

Бет ачары боло элек, сценарий же монтаждоо баскычында болгон ТРТнын биргелешкен өндүрүштөрү да Түркияда жана дүйнөнүн төрт тарабында маанилүү платформаларда көрсөтүлүп, түрдүү сыйлыктарга ээ болду.

«Идея», «Клондайк», «Текеленүү сызыгы», «11 жылдыз, күн жана ай», «Барс», «Үмүт», «Бир чымчым гвоздика», «Мээрим», «Өмүр кушу» жана «Гүлизар»  аттуу ТРТнын биргелешип чыгарган 10 тасмасы дүйнөнүн эң маанилүү кинофестивалдарынын бири болгон 13 фестивалдын биргелешкен өндүрүш базарларына катышып, 8 сыйлыкка ээ болду.

2021-жылы Европадагы Сараево жана Карловы Вары кинофестивалдары жана Түркиядагы Босфор, Анталия жана Стамбул кинофестивалдары менен кызматташтыгын уланткан ТРТ, Сараево жана Карловы Вары кинофестивалдарынын тармактык секцияларындагы 3 долбоорго «ТРТ сыйлыгын» тапшырды.