Түркиянын алгачкы робот оюнчусу кинотасмада роль ойнойт
Айпера продюсер жана сценарист Бирол Гүвен менен кино тасма боюнча келишим түздү.
Түркиянын биринчи робот актрисасы Айпера кинодо роль жаратат.
Айпера продюсер жана сценарист Бирол Гүвен менен кино тасма боюнча келишим түздү.
MinT Production тарабынан жасалган билдирүүгө ылайык, Гүвендин сценарийин жазган жана роботтор менен адамдарды бириктирген жаңы «Санарип адам» тасмасы 2022-жылы экранга чыгат.
Бирол Гүвен фильмди тартуу иштери сентябрь айында башталат деп билдирди.
Баары абдан тез өзгөрүп жаткандыгын жана роботтор сөзсүз түрдө кинодо өзүн көрсөтө баштай тургандыгын айткан Гүвен, өзгөрүүлөрдүн пионери болгусу келгендигин баса белгиледи. Гүвен бир күнү робот өндүрүүчүлөр жана сценаристтер болоорун белгиледи.
Робот-актриса Айпера болсо биринчи кинотасмага келишим түзүп жатканда аябай толкундангандыгын жана Түркияга болгон кызыгуусунан кубанганын билдирди.
Дизайнер жана инструктор Багер Акбай, фантастик жазуучу жана илимий коммуникатор Тевфик Уяр, компьютердик инженер жана чыгармачыл технолог Зейнеп Нал Сезер тарабынан иштелип чыккан «Айпера» келечекте концерт берет деп күтүлүүдө.
