Малазгирт жеңишине карата "Кызыл алма" клиби даярдалды
Фахреттин Алтун "Кызыл алма" аттуу гимнди камтыган клипти Твиттерден бөлүштү.
Коммуникация башкармалыгы тарабынан Малазгирт жеңишинин 949 жылдыгына карата "Кызыл алма" гимнин камтыган клип даярдалды.
Коммуникация башкармалыгынын башчысы Фахреттин Алтун "Кызыл алма" аттуу гимнди камтыган клипти, «Биз үчүн "Кызыл алма" - бул чоң жана күчтүү Түркия болуп саналат. Малазгирт, 15-Июль сыяктуу көптөгөн күрөштөрдө баатырдык көрсөткөн элибиздин куттуу жүрүшү болуп эсептелет. Кызыл алма- бул көлөкөсүнө көптөгөн жапа чеккендерди калкалаган улуу чынар болуп саналат. Гибралтардан Хижазга чейин, Балкандардан Азияга чейин адамзаттын эңсеген нерсеси ушул» деген сөздөрү менен Твиттерден бөлүштү.
"Кызыл алма" гимнинин клиби, 1071-жылдагы Малазгирт жеңишинен Осмон империясынын түптөлүшүнө чейин, Стамбулдун каратылышынан Чанаккале жана Боштондук согуштарына чейин, 15-Июль дастанынан бүгүнкү күнгө чейин ошол эле рухту чагылдырган темаларда тартылган.
Клипте ошондой эле президент Режеп Таййип Эрдогандын "Фатх" сүрөсүнүн биринчи аяттарын окуп бергени камтылган.
