АКШда көргөзмөгө коюлган буюмдар адамды суктандырат

Маданият жана туризм министри Өмер Челик Америка Кошмо Штаттарында Метрополитан музейин кыдырды.
Ал жердеги чыгармаларды жакындан иликтеген министр Челик америкалык жооптуулардын Түрк-Ислам тарыхына таандык чыгармаларды кылдат сактап жатышкандыгына ыраазы болгонун сөз кылды.
Маданият жана туризм министри Өмер Челик Нью-Йорктогу жолугушууларынын алкагында Метрополитан искусство музейин кыдырып, жооптуулардан маалымат алды.
Сапарынан кийин журналисттердин суроолоруна жооп берген Челик АКШдан Түркияга таандык тарыхый табылгалардын кайтарылышына карай талаптары болбогонун айтты.
Челик: «Бул музейде адамзаттык мурасына таандык чыгармалардын ошондой эле ислам дүйнөсүнө таандык чыгармалардын ушунчалык жакшы сакталганына жана көргөзмөгө коюлганына абдан ыраазы болдук. Аларды куттуктаймын»,-деди.
Челик кайтарылышы талап кылынган табылгалардын катталгандар эмес, уурдалып кеткендер болгонун белгилеп өттү.
Маданият жана туризм министри Өмер Челик министрлер кеңешинин бекитүүсү менен курулган «Чанаккале-2015 агенттиги» проектинин алкагында 36 өлкөдө Чанаккале согушуна байланыштуу эскерүү аземдери уюштурулушу максатталганын белгиледи.