Мармарис яхталарды тосуп алууда

Кайман аралдары желектүү "Blue" менен Бермуд желектүү "Mar" аттуу яхталар Мугланын Мармарис районуна якорь таштады.

Мармарис Круиз Порту кичи пристанына келген «Blue» аттуу яхтада кош тик учак аянтчасы, 9 палуба, пляж клубу, сүзүү платформасы, балкондуу кабиналар, суу тазалоо системасы, агынды сууларды тазалоо системасы жана 80 экипаж бар.

Райондо 5 күн болоору айтылган 26 метрлик люкс яхтада 48 конок 24 ыңгайлуу кабинага жайгаша алат.

Бермуд желектүү 16 метрдик кеңдиктеги "Mar" аттуу яхта да Альбатрос яхта пристанына келип якорь таштады.

Microsoft технологиялык компаниясынын негиздөөчүсү Билл Гейтс тарабынан "Мар" деп өзгөртүлгөнү айтылган 107 метр узундуктагы яхта мурда "Лана" деп аталып, спорт залы, джакузи, пляж клубу, бассейн жана суусу  спорт жабдыктары орун алган.  

Бир тараптан орусиялык ишкер Роман Абрамовичтин 22 метр кеңдигиндеги 6 кабаттуу ультра люкс яхтасы «Eclipse» Альбатрос Маринанын чоң пристанында эки жумадан бери жүрүүдө.

Мармаристеги «Blue», «Mar» жана «Eclipse» аттуу люкс яхталар жергиликтүү жана чет элдик туристтердин көңүлүн бурууда.

Туристтер яхталарды арткы планга алып фотографияга түшүшүүдө.