Кападокиядагы туристтердин саны 10 айда 3,6 миллионго жетти

Түркиянын маанилүү туризм борборлорунун бири болгон Невшехир Кападокиядагы музей жана урандыларды зыярат кылгандардын саны жылдын биринчи 10 айында 3 миллион 627 миң 940ка жетти.

Бириккен Улуттар Уюмунун Билим берүү, илим жана маданият уюмунун (ЮНЕСКО) Дүйнөлүк мурастар тизмесине кирген аймак ар сезондо дүйнөнүн төрт бурчунан туристтерди тосуп алат.

Жергиликтүү жана чет элдик конокторду кызыктырган аймак, өзгөчө ысык аба шары туру баш болгон түрдүү иш-чаралары менен саякат жана жаратылышты сүйүүчүлөрдүн көңүлүн бурууда.

Невшехир облустук маданият жана туризм башкармалыгынын маалыматына караганда, жылдын январь-октябрь айларында Кападокиянын Гөреме ачык асман музейи, Зелве урандылары, Каймаклы, Деринкую, Татларин жана Мазы жер астындагы шаарларына келген туристтердин саны 3 миллион 627 миң 940ка жетти.