Түркиянын Германияга экспортунда тарыхый рекорд

Түркия өткөн айда Германияга бир миллиард 832 миллион доллар менен бардык убакыттардын эң жогорку айлык экспортун ишке ашырды.

Экспортто альтернативалуу рыноктор менен жолун уланткан Түркия азыркы рыноктордо да экспорттук сатууларын көбөйтүүнү улантууда.

Түркиянын алдыңкы экспорттук рыногу болгон Германия эң жогорку позициясын сактап, тышкы сатуудагы рекорддорго да салым кошууда.

Түркия апрель айында 1 миллиард 832 миллион доллар менен Германияга бир айлык экспорт рекордун жаңылады. Ушундайча Германия Түркиянын эң көп экспорт кылган рыногу болууну улантты. Түркиянын Германияга экспорту апрель айында өткөн жылдын тийиштүү мезгилине караганда 20,8 пайызга өстү. Германиянын Түркиянын экспортундагы үлүшү 7,8 пайыз болду.

Германияга өткөн айда эң көп экспортту 395 миллион 856 миң доллар менен автоунаа өнөр жайы ишке ашырды.

Бул өлкөдөн кийин 1 миллиард 530 миллион доллар менен Америка Кошмо Штаттары (АКШ), 1 миллиард 107 миллион доллар менен Улуу Британия, 1 миллиард 12 миллион доллар менен Италия жана 980 миллион 344 миң доллар менен Испания турат.

Түркиянын экспорту АКШга 50,2 пайыз, Британияга 13,2 пайыз, Италияга 23,3 пайыз жана Испанияга 31,8 пайыз өстү.