Боррель-Кэмерон жолугушуусу
Боррель X социалдык медиа аккаунтундагы билдирүүсүндө, Кэмерон менен Италиянын Капри аралында жолукканын айтты.
Европа Биримдигинин (ЕБ) тышкы иштер жана коопсуздук саясаты боюнча жогорку өкүлү Жозеп Боррель Британиянын тышкы иштер министри Дэвид Кэмерон менен жолугушту.
Боррель X социалдык медиа аккаунтундагы билдирүүсүндө, Кэмерон менен Италиянын Капри аралында жолукканын, ал жерге G7 өлкөлөрүнүн тышкы иштер министрлеринин жыйыны үчүн барганын маалымдады.
Кэмерон менен Украина жана Жакынкы Чыгыш темасында пикир алмашкандарын белгилеген Боррель, Орусияга каршы күрөшүп жаткан Украинага коргонуусу үчүн шашылыш түрдө муктаж болгон колдоонун берилиши, жардам аракеттеринин көбөйтүлүшү керектигин айтты.
Боррель: «Газага жардамды көбөйтүп, туткундардын бошотулушу үчүн кысым көрсөтүп жатканда, Жакынкы Чыгышта мындан ары чыңалууну болтурбашыбыз керек»,- деди.
АКШ, Германия, Франция, Англия, Италия, Канада жана Япониядан турган Чоң жети өлкөлөрүнүн тышкы иштер министрлери, ЕБнин да катышуусунда кезектеги төрага Италиянын кожоюндугунда эл аралык күн тартибиндеги маселелерди талкуулоо үчүн чогулушту.
Өнөр жайы өнүккөн өлкөлөрдөн турган «Чоң жетиликтин» тышкы иштер министрлеринин Капридеги жолугушуусу эртеңки сессиядан кийин жыйынтыктоочу декларациянын жарыяланышы жана үй ээси Италиянын тышкы иштер министри Антонио Таянинин маалымат жыйыны менен аяктайт.
