Google Израилге нааразычылык билдирген кызматкерин жумуштан чыгарды

Америкалык Google технологиялык компаниясы Нью - Йорктогу технологиялык иш - чарада Израилге каршы чыккан инженерин иштен алды.

Google катчысы берген билдирүүсүндө жуманын башында бир кызматкердин компания демөөрчүлүк кылган расмий иш - чарага  кийлигишип, презентация жасап жаткан кесиптешинин сүйлөгөн сөзүнө тоскоол  болгондугу  белгиленди. 

Билдирүүдө : "Маселе эмне болсо болсун мындай мамиле кабыл алынгыс жана саясатыбызды бузганы үчүн кызматкер иштен алынды",- деп айтылды. 

Дүйшөмбү күнү Нью  -  Йоркто ишке ашкан иш  -  чарада  бир Google Cloud инженери израилдик жетекчинин сөзүн : "Геноцидди, апартеидди же көзөмөлдү күчөтө турган технологияны чыгаруудан баш тартам",- деп бөлгөн.